Impfung

D'Impfung ass de wierksaamste Wee fir Infektiounskrankheeten entgéintzewierken. Se erméiglecht et eis, eis selwer an och eis Matbierger ze schützen. Unhand vun de kollektive Beméiunge vun der weltwäiter medezinescher Communautéit, kënne mir eis elo glécklech schätzen, Zougang zu SARS-CoV-2-Impfstoffer ze hunn. Dëst ass ee wesentlecht Element am Kampf géint de COVID-19 a wäert eis hëllefen d'Pandemie an hier Auswierkungen op ons Gesondheet an ons Gesellschaft anzedämmen.

Déi lëtzebuergesch COVID-19-Impfstrategie ënnerstëtzt den Zougang zu sécheren an effikassen Impfstoffer an hirer Disponibilitéit, esou bal se op de Marché kommen.

Dës wäert déi gesondheetlech, sozial a wirtschaftlech Konsequenze vun der COVID-19-Pandemie reduzéieren. Den Impfstoff wäert dozou bäidroen, Liewen ze retten an eis Ressourcen sou gutt wéi méiglech ze notzen.

Et bleift weiderhi wichteg, wärend der Ëmsetzung vun der Impfstrategie déi sanitär Mesuren ze respektéieren an e Mask ze droen.

Wéi maachen ech mäi "Booster" - Impf-Rappel

D'Immunitéit no enger Impfung géint COVID-19 léisst mat der Zäit no. Et ass dofir wichteg, seng Immunitéit mat engem Impf-Rappel ("Booster") opzefrëschen.

Dir kritt vun der Lëtzebuerger Regierung eng Invitatioun fir Ären Impf-Rappel géint COVID-19 geschéckt.

Dir kritt d'Invitatioun per Post:

  • Impfung mat 2 Dosissen (Moderna, BionTech/Pfizer, AstraZeneca): 6 Méint no Ärer kompletter Éischtimpfung
  • Impfung mat 1 Dosis (Johnson&Johnson): 1 Mount no Ärer kompletter Éischtimpfung

An der Invitatioun kritt Dir Detailer iwwert d'Demarche fir Äre Rendez-vous an engem Impfzenter oder enger Dokteschpraxis ze huelen.

D'Lëscht vun den Dokteren, déi bei der Impfcampagne matmaachen, fannt Dir hei.

Dir kënnt Iech och an de "Pop Up Impfstatiounen" (Detailer hei drënner) impfe loossen.

Wou kann ech mech impfe loossen?

Ouni Rendez-vous

Dir kënnt Iech ouni Rendez-vous an den 3 Impfzentren impfe loossen:

  • Victor Hugo Hal um Lampertsbierg
  • Ettelbréck, bis de 16. Dezember
  • Esch-Belval, bis de 16. Dezember

Dir braucht just Är Carte d'identité an Är CNS-Kaart matzebréngen. Wann Dir fir eng 2. Dosis kommt, musst dir ausserdeem den Impfschäin vun der 1. Dosis matbréngen (da gëllt och, wann Dir déi 1. Dosis am Ausland krut).

Dir kënnt Iech och an de folgende Pop Up Impfstatiounen impfe loossen:

  • Pop Up Stad Lëtzebuerg
    70, Grand-Rue
    L-1660 Luxembourg
    Vu Méindeg bis Samschdeg
    11:00 - 18:00 Auer

  • Pop Up Cloche d'Or Shopping Center
    All Woch Méindeg an Donneschdeg bis den 30. Dezember op
    Ausnam: An der Woch vum 6. Dezember ass e Méindeg 7. a Sonndeg 12. Dezember op

    10:00 - 16:00 Auer

  • Pop Up Belle Etoile
    30.11 + 03.12
    10:00 - 16:00 Auer

  • Pop Up Cora Foetz
    02.12
    10:00 - 16:00 Auer

  • Pop Up City Concorde
    01.12
    10:00 - 16:00 Auer

  • Pop Up Cactus Bettembourg
    01.12 + 04.12
    10:00 - 16:00 Auer

  • Pop Up Auchan Kirchberg
    03.12
    10:00 - 16:00 Auer

Mat Rendez-vous

Persounen ab 18 Joer (ab 12 Joer fir eng Impfung mat engem mRNA-Impfstoff) kënnen, ënnert verschiddene Bedéngungen, online e Rendez-vous fir eng 1. Impfung mat engem mRNA- oder engem Vektor-Impfstoff maachen. Rendez-vous op impfen.lu. Säit dem 2. August kënnt Dir Iech och an de Praxisse vu verschiddenen Dokteren a Kannerdokteren impfe loossen. 

Impfstrategie

An enger éischter Phas waren net genuch Impfdosissen disponibel, fir datt all Resident gläichzäiteg geimpft konnt ginn. Dofir war et wichteg a legitim, d'Prioritéiten entspriechend den Ziler vun der Impfstrategie ze setzen, d.h.

  1. déi vulnerabelste Residenten (opgrond vun hirem Alter oder Gesondheetszoustand) virum Risiko vu Komplikatiounen duerch d'Krankheet an dem Stierfrisiko ze schützen an
  2. d'Kapazitéite vun eisem Gesondheetssystem z'erhalen.

Bis de 7. Juli 2021, huet all Resident vum Grand-Duché, deen zur Impfung berechtegt ass, vun der Lëtzebuerger Regierung eng Invitatioun fir eng COVID-19-Impfung kritt.

Aktuell Situatioun

  • 895 374 Total gesprëtzten Impfdosissen

  • 445 230 Total 1. Impfdosis

  • 388 094 Total 2. Impfdosis

  • 62 050 Total komplementar Dosis

  • 5 099 Impfdosisse pro Dag

    1. Dosis: 404
    2. Dosis: 761
    Komplementar Dosis: 3 934

Ech loosse mech impfen! An Dir? Maacht och Dir mat a schéckt Är Foto eran!

Klickt hei fir matzemaachen

Last update